noticias eu

Joan den ikasturtean e-MOTIVE (e-motive metodologia) europar proiektuaren bidez —LHko irakasle eta ikasleen arteko nazioarteko lankidetza sistema da— lortu genuen arrakastaren ondoren, HETELeko ikastetxeetako 11 ikaslek (Durangoko Maristetakoek, Andoaingo La Salle Berrozpekoek, Deustuko Salestarretakoek, Zulaibarrekoek eta Egibidekoek) Holandako ROC Da Vinci ikastetxeko ikasleekin elkarlanean aritzeko aukera izango dute ikasturte honetan ere, BBKren (Bizkaian), Vital Fundazioaren (Araban) eta Kutxaren (Gipuzkoan) laguntzari esker.

Oraingo honetan, hauxe da ikastetxeotako irakasleek prestatu eta ikasleek ebatzi beharko duten erronka: hondakinen (laten, plastikoen…) bolumena murrizteko gailu bat diseinatzea.

Azaroan, irakasleek erronka diseinatzeko eta planifikatzeko bilera bat egin zuten, eta azken bi asteotan Holandako ikasleak Euskal Herrira etorri dira taldeko euskal kideak ezagutzera.

Irakasleek ikasle guztiei erronka aurkeztu ondoren, ikasleak online eta aurrez aurre arituko dira, aurkeztu dieten erronkari erantzun egokia emateko asmoz.

Erantzuna Holandan aurkeztu eta ebaluatuko dute, otsailaren 19ko astean.

Proiektuan parte hartzen dutenek, proiektu bat aurrera ateratzeko elkarlanean aritzen ikasteaz gain, enpresetan funtsezkoak diren beste trebezia eta konpetentzia batzuk ere barneratuko dituzte, hala nola ingelesaren ezagutza, kultura anitzeko taldeko lana, independentzia eta autokudeaketa.  Abantean!

dISEINUA INTERNATIONALhau copia

HetelBlog

Blogger

 

Maiatzak 9tik 17ra bitartean Lanbide Heziketan izena eman dezakezu

Aurten HETElen 3 ikastetxe berri ditugu. 30 ikastetxe haue prestakuntza eskaintza eguneratu dugu...Leer mas...
-------------- 

Del 9 al 27 de mayo está abierto el plazo de pre(matrícula) en Formación profesional

En HETEL este curso contamos con 3 nuevos centros. Podéis consultar la oferta formativa de los 30 centros...Leer mas...